UHANS i8 – Surpriza e leverdisshme që vjen me Njohjen e Fytyrës

0
679
views
UHANS-I8-fotoekrani1

Kompanisë Shenzhen Hans Electronic Technology CO. LTD. iu deshën 4 vite për të sjellë UHANS në treg dhe sot do zbulojme UHANS i8. Ata ia dolën të ndërtonin një markë që do të arrinte në të gjitha anët e globit. Koncepti i markës UHANS po u jep konsumatorëve një ‘Faktor – Uauu’ me teknologjitë më të avancuara duke ofruar cilësi dhe telefona me çmime të përballueshme dhe të dizenjuar bukur. Secila gërmë e emrit të tij i dedikohet një linje prodhimi:

“U” – seria për smartfonë të kategorisë së lartë dhe avantgardë.

“H” – seria për celularë me kapacitet të madh të baterisë.

“A” – seria e smartfonëve të përballueshëm për buxhetin.

“N” – seria për telefona trendy të pajisur me teknologjinë më të fundit.

“S” – seria për smartfonë me stil dhe të modës.

 UHans-i8-fotodetaje1

Përveç këtyre, UHANS ka prodhuar smartfonë të tjerë pa ndonjë gërmë të caktuar nga emri i vet por duke iu referuar telefonit “flagship” (telefoni më i shitur) të cilin kanë arritur ta klonojnë.

Sot do të vlerësojmë pikërisht një telefon të tillë: UHANS i8

UHANS i8: Dizenjo, Ekrani

Siç mund ta shikoni, lançimi i ri trendy i UHANS-it përngjan shumë me modelin S8Samsungut. Meqë ky telefon është shumë popullor, shumë marka të lira e kanë kopjuar dizenjon e tij dhe e kanë pajisur atë me pjesë më të vjetra ose më të lira të cilat janë ende të mira e të përshtatshme për t’u përdorur.

Falë kësaj strategjie kompanitë mund të prodhojnë smartfonë me kosto shumë të ulët dhe ti shesin për më pak se 150 dollarë!

gearbest

UHANS i8 ka përdorur një kornizë aliazhi zinku me panele të tejdukshme xhami për trup. Kur e shikon telefonin ndoshta mendon se ai është shumë më i kushtueshëm se sa është në të vërtetë.

Me një ekran HD+ 5.7 inç (1440×720 piksela) në raportin 18:9, kjo pajisje e shkëlqyer do t’ju japë një pamje të të mirë e të gjerë. Ky telefon ndihet mirë në duart tuaja për shkak të cepave të rrumbullakët dhe sigurisht, për shkak të tendencës më të fundit e të paturit një trup më të gjatë, por më të ngushtë.

UHANS-i8-fotodetaje2

Ai vjen me një sensor shenje gishti 360-gradë në pjesën e pasme për të shkyçur telefonin tuaj shpejt. Poshtë është një portë USB e tipit C që shërben për karikim ose për të vendosur kufjet. Thënë kjo, kuptohet që nuk gjendet një portë 3.5 milimetra por UHANS e ka pajisur modelin i8 me një përshtatës USB tipi C – 3.5 mm.

gearbest

UHANS i8: Kamera

Kamerat e i8-ës nuk janë ndonjë mrekulli. Mos prisni foto spektakolare por me dritën e ditës ju mund të bëni foto të mira. Në pjesën e përparme, është një kamera 8 megapiksel e cila ju jep mundësinë të bëni selfie ose ta shkyçni me ‘Njohjen e fytyrës’. Është e mundur që të formoni deri në 5 profile fytyrash që ta shkyçni këtë pajisje UHANS. Në pjesën e pasme do të gjeni një kamera dyshe 16+3MP për të shkrepur fotografi me thellësi duke bërë të mundur që ju të bëni poza me një sfond të mjegullt.

 UHANS-i8-fotodetaje3

gearbest

UHANS i8: Performanca dhe Bateria

UHANS i8 punon lehtë dhe qëndrueshëm me Android-in 7.0. Ju mund të bëni çdo gjë që dëshironi pa asnjë ngecje. UHANS-i e ka pajisur telefonin me një processor të vjetër, MTK6750T (Helio P20). Konsiderohet si një lëvizje e zgjuar, krahasuar me më të riun P25, diferencat janë të vogla. Është fare pak më i ngadaltë por çmimi është shumë më i ulët! Me 4GB RAM brenda i8-ës, kryerja e shumë detyrave në të njëjtën kohë (multitasking) nuk përbën ndonjë problem. Kapaciteti i brendshëm ju jep mundësinë të ruani shumë të dhëna ose të instaloni qindra aplikacione. Memoria është mjaftueshëm për pothuajse çdokënd dhe kur nuk është, ju mund të shtoni një kartë SD deri në 128GB (nuk është e përfshirë bashkë me telefonin).

UHANS-i8-fotodetaje4

Kur vjen puna te “karburanti”, kapaciteti i baterisë është mjaftueshëm i madh që t’ju mbajë përgjatë të gjithë ditës. Një bateri e paheqshme me kapacitet 3500mAh (miliamper orë) është goxha shumë për një telefon me karakteristikat e lartpërmendura. Po të kishte një bateri më të madhe, smartfoni do të ishte më i trashë dhe më pak i rehatshëm për t’u mbajtur. Si përfundim, me këtë telefon, arsyeja kryesore e UHANS-it për ta nxjerrë në treg atë është dizenjoja. Një tjetër gjë e mirë që duhet ta dini për të, është se suporton karikimin e shpejtë. Në përgjithësi i8-a është një smartfon i mirë.

gearbest

UHANS i8: Përfundimi

UHANS i8 duket bukur dhe është një telefon i mirë për koston e ulët që ka, i cili ulet në një karrike diku poshtë në seksionin e telefonave mesatarë. Idea e mençur e përdorimit të pjesëve të vjetra të tilla si proçesori i parafundit Helio P2X e bën i8-ën shumë më të lirë sesa telefonat konkurrues të pajisur me pjesët më të fundit. Siç e thamë edhe më parë, ju nuk do të vëreni shumë ndryshim në shpejtësi, dukeqenëse shumica e pjesëve janë lehtësisht më të ngadalta. UHANS i8 mund të ishte telefoni ‘fillestar’ i përkryer për këdo që po kërkon për një telefon shumë, shumë të lirë por të mirë. 

Karakteristikat:

 Proçesori – Tetë-Bërthamësh 4x 1.5 GHz ARM-A53 Cortex + 4x 1.0 GHz ARM-A53 Cortex

Qarku elektronik – MediaTek MT6750T, Proçesor 64-bit

GPU (Karta Grafike) – ARM Mali-T860 MP2, 650 MHz, 2-Bërthama

Kamera – Kamera e pasme 16 Megapiksel + 3 Megapiksel me blic të dyfishtë LED dhe AF | Kamera e përparme 8 Megapiksel

Kujtesa – RAM- 4GB LPDDR3, 833MHz | ROM 64GB, Kujtesa e jashtme deri në 128GB

Ekrani – Madhësia 5.7 inç IPS HD+ (1440×720 Piksela)

Bateria – E paheqshme 3,500mAh Litium-Polimer

SIM – SIM dyfishe (Nano-SIM + Nano-SIM)

Sensorët – Sensori i afërsisë Proximity, Akselerometri, Drita e ambientit, Sensori i busullës,  Sensori i shenjës së gishtit (në pjesën e pasme), Sensori i xhiroskopit

Sistemi operativ – Android 7.0 Nougat OS

Dimensionet – 71.8 mm x 152.7 mm x 10.0 mm

 Pesha – 202 Gramë (Bashkë me baterinë)

gearbest

ose.al – Shtepia e teknologjise

Mos harroni të na ndiqni edhe në:
20