samsung dhe google_logo_1
Lajmet e fundit

Samsung dhe Google bashkëpunojnë në RCS Messaging për Android

Samsung dhe Google LLC njoftuan se po punojnë së bashku për të ofruar një eksperiencë më të zgjeruar të dërgimit të mesazheve në smartfon, duke përshpejtuar inisiativën e industrisë drejt mbulimit dhe ndërveprimit të shërbimeve globale Rich Communication Services (RCS). Ky bashkëpunim do të sigurojë që Mesazhet Android dhe Mesazhet Samsung të funksionojnë në mënyrë të përsosur ndërmjet tyre dhe me mesazhet RCS, duke mundësuar veçori të tilla si aftësia për të biseduar nëpërmjet WiFi, krijimi i bisedave në grup, tregues të leximit të mesazheve dhe shpërndarja e fotove dhe videove me rezolucion të lartë përgjate platformave.

Samsung dhe Google – RCS

Duke punuar së bashku, Samsung dhe Google do të sigurojnë që klientët e tyre të mesazheve, Android Messages dhe Samsung Messages, të punojnë pa ndërprerje me teknologjitë RCS respektive, duke përfshirë platformat cloud dhe platformat e dërgimit të mesazheve biznes. Deri më sot, Samsung dhe Google kanë bashkëpunuar për të prezantuar teknologjinë RCS tek disa pajisje Samsung; si pjesë e këtij bashkëpunimi të vazhdueshëm, Samsung do të punojë për t’i sjellë këto karakteristika të teknologjisë RCS edhe në telefonat celular ekzistues duke filluar me Galaxy S8 dhe S8 +.

Celularët e rinj të Samsung Galaxy gjithashtu do të përkrahin mesazhet RCS, duke filluar me ato që e kanë ose do të lancojnë së shpejti teknologjinë RCS.

Kjo do të thotë që konsumatorët dhe markat do të jenë në gjendje të zhvillojnë biseda më të gjalla me të dy përdoruesit Android Messages dhe Samsung Messages.

Samsung dhe Google-RCS

Në Samsung, ne i përmbahemi një modeli të bashkëpunimit të hapur për të sjellë përvojën premium për klientët tanë për çdo produkt “, tha Patrick Chomet, EVP dhe Shefi i Skuadrës së Inovacionit të Produkteve dhe Shërbimeve, Mobile Communications Business në Samsung Electronics. “Duke avancuar partneritetin tonë të fuqishëm me Google, ne do të sjellim një përvojë më të gjallë të dërgimit të mesazheve për klientët tanë, duke i lejuar ata të bisedojnë pa ndërprerje me miqtë dhe familjen e tyre në platformat e mesazheve. Ky bashkëpunim do t’i japë hov industrisë drejt mesazheve të avancuara dhe mbulimit global RCS.

Samsung dhe Google – Përmisimi i platformës

“Ne kemi punuar me industrinë e telefonave celularë për të përmirësuar përvojën e mesazheve në Android nëpërmjet RCS”, tha Anil Sabharwal, Zv.president për Produktet e Komunikimit dhe Fotot në Google. “Samsung ka qenë një kontribues i madh në këtë iniciativë dhe partneriteti ynë do të avancojë më tej vizionin tonë të përbashkët për një eksperiencë të përmirësuar mesazheve në Android për përdoruesit, markat dhe ekosistemin më të gjerë të Android”.

Si një përfitim shtesë i këtij partneriteti të zgjeruar, zhvilluesit dhe markat që krijojnë përvojat e RCS Business Messaging (bazuar në GSMA Universal Profile 2.0) duke përdorur shërbimet Google ose Samsung Messaging-as-a-Platform (MaaP) do të jenë në gjendje të arrijnë edhe përdoruesit e Android Messages dhe e Samsung Messages, duke sjellë mesazhe më të gjalla për biznesin tek shumë përdorues të tjerë.

Ky bashkëpunim përshpejton më tej adaptimin dhe disponueshmërinë e teknologjisë RCS në nivel global, duke mundësuar një eksperiencë të zgjeruar të mesazheve në të gjithë ekosistemin Android.

Albani
I diplomuar në Inxhinieri në Itali, kam si pasion teknologjinë mobile duke u fokusuar më shumë te akserorët nga më të ndryshmit. Më pëlqen të shkruaj mbi informacionet e reja të botës teknologjike dhe prandaj krijova "ose.al - Shtëpia e teknologjisë".
http://www.ose.al

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.